سياسة الخصوصية
آتون استديو شركة مصرية للأتمتة والحلول. السياسة دي بتشرح إيه البيانات اللي بنتعامل معاها على موقع atenstudio.net، وفي تطبيق ATEN Studio على ميتا، وفي الأنظمة اللي بنشغّلها لعملائنا، وبنعمل بيها إيه.
آخر تحديث: 19 أكتوبر 2026
مين إحنا
آتون استديو، حدائق الأهرام، الجيزة، مصر. للتواصل في أي حاجة تخص بياناتك: info@atenstudio.net أو واتساب 0122 220 3810.
البيانات اللي بنجمعها
- لما تزور الموقع: بيانات استخدام مجهّلة، زي الصفحات اللي فتحتها ونوع الجهاز والدولة والضغط على أزرار الواتساب والاتصال، وده عن طريق Google Analytics. الموقع مافيهوش فورمات بتطلب بياناتك.
- لما تكلّمنا: اسمك ورقمك والرسايل اللي بتبعتها على واتساب أو الإيميل أو صفحاتنا.
- لما تتعامل مع صفحة أو رقم بنشغّله لعميل: اسمك ومعرّفك زي ما ميتا بتبعتهم، ونص التعليق أو الرسالة ووقتها، ورقم الواتساب، والبيانات اللي إنت كتبتها بنفسك زي نوع العربية أو المنطقة، وملف الاستفسار في نظام المتابعة (CRM).
مش بنطلب ولا بنحفظ كلمات سر أو أكواد تحقق أو بيانات كروت.
بنستخدمها في إيه
- نرد عليك ونتابع طلبك.
- نشغّل البوتات والرد على التعليقات والرسايل، ونسجّل الاستفسارات في نظام المتابعة بتاع الشركة اللي كلّمتها.
- نعمل تقارير مجمّعة لعملائنا، زي عدد الأسئلة وسرعة الرد، من غير ما نبيع بيانات حد.
- نحسّن الموقع ونحميه من الاستخدام الضار.
لو كلّمت شركة بنشتغل معاها
لما بنشغّل صفحة أو رقم أو نظام لشركة تانية، الشركة دي هي صاحبة البيانات، وإحنا بنعالج البيانات بالنيابة عنها وحسب تعليماتها بس. أي طلب يخص بياناتك ممكن تبعته للشركة، أو تبعته لنا وإحنا نوصّله.
مع مين بنشاركها
مش بنبيع البيانات. بنشاركها بس مع:
- ميتا (فيسبوك وإنستجرام وواتساب)، لأن الرسايل والتعليقات بتعدي من خلالها.
- مزودي الخدمات التقنية اللي بنشغّل عليهم الأنظمة، زي الاستضافة والتخزين ونماذج الذكاء الاصطناعي اللي بتساعد في صياغة الردود. دول بيتعاملوا مع البيانات عشان يقدّموا الخدمة بس.
- الشركة اللي كلّمتها، لو كانت عميل عندنا.
- جهة رسمية، لو القانون ألزمنا بده.
بنحتفظ بيها قد إيه
بنحتفظ بالبيانات طول ما هي لازمة للخدمة أو لتعاقدنا مع الشركة صاحبة البيانات. لما الخدمة أو التعاقد يخلص، أو لما تطلب الحذف، بنحذفها خلال 30 يوم، إلا اللي القانون بيلزمنا نحتفظ بيه زي الفواتير.
الحماية
الدخول على الأنظمة بصلاحيات محددة وجلسات محمية، والمفاتيح والأسرار مش بتتحفظ في الكود، والاتصال مشفّر (HTTPS). ومفيش نظام آمن 100%، فلو حصل أي تسريب بيمس بياناتك هنبلّغك وهنبلّغ الشركة المعنية.
حقوقك
من حقك تعرف إيه البيانات اللي عندنا عنك، وتصححها، وتطلب حذفها، وتعترض على استخدامها، وده حسب قانون حماية البيانات الشخصية المصري رقم 151 لسنة 2020. طريقة الحذف موجودة في صفحة حذف البيانات، ولأي طلب تاني كلّمنا على info@atenstudio.net أو واتساب 0122 220 3810. هنرد في خلال 3 أيام عمل.
الأطفال
خدماتنا موجّهة للشركات وأصحاب الأعمال، ومش موجّهة لحد أقل من 18 سنة.
التعديلات
لو غيّرنا السياسة دي هنحدّث تاريخ «آخر تحديث» فوق. ولو التغيير كبير، هنكتب ده بشكل واضح على الصفحة.
Privacy Policy — ATEN Studio
ATEN Studio is an Egyptian automation company (Hadayek El Ahram, Giza, Egypt). This policy covers atenstudio.net, the ATEN Studio app on Meta, and the systems we operate for client businesses. Last updated: 19 October 2026.
- What we collect: anonymous website usage via Google Analytics; messages, names and numbers you send us; and, for Pages or WhatsApp numbers we operate for clients, your Meta name and ID, the text and time of your comments or messages, your WhatsApp number, details you typed, and the related CRM inquiry record. We never ask for passwords, verification codes or card details.
- How we use it: to reply, run bots and comment replies, record inquiries in the client's CRM, produce aggregated reports, and secure our services. We do not sell data.
- Client businesses: when we operate a Page, number or system for a business, that business is the data controller and we process data on its behalf and instructions.
- Sharing: Meta (Facebook, Instagram, WhatsApp), technical service providers (hosting, storage, AI models that help draft replies), the business you contacted, and authorities when required by law.
- Retention: only as long as needed for the service or the client contract; deleted within 30 days after it ends or on request, except records the law requires us to keep.
- Your rights: access, correction, deletion and objection, under Egypt's Personal Data Protection Law No. 151 of 2020. See Data deletion, or contact info@atenstudio.net. We reply within 3 business days.
- Our services are for businesses and not directed at anyone under 18.