الرئيسية ‹ أتمتة الشركات
أتمتة الشركات · أتمتة المبيعات · ربط الأنظمةأتمتة الشركات: الخطوة اللي بتتكرر كل يوم، تمشي لوحدها.
أتمتة الشركات يعني إن الخطوات اللي موظف بيعملها بإيده كل يوم، زي تسجيل الطلب ونقل البيانات وتجميع التقرير ورسالة المتابعة، تتعمل لوحدها وبأخطاء أقل.
آتون استديو شركة مصرية للأتمتة والحلول في حدائق الأهرام بالجيزة: بنشيل الخطوات اليدوية من شغل المحلات والمصانع والصيدليات والمزارع، ببوتات واتساب وCRM وداشبوردات وأنظمة متفصّلة وتصميم مواقع، ومعاها دعم شهري بعد التسليم.
علامات إن شغلك محتاج أتمتة
لو حاجة من دول بتحصل عندك، في وقت بيضيع كل يوم
- موظف بينقل طلبات الواتساب لإكسل أو دفتر بإيده
- تقرير آخر اليوم بيتجمع من كذا مكان
- عميل بيستنى تأكيد أو رد لحد ما حد يفضى
- رسالة متابعة أو تذكير بقسط بتتنسي
- نفس البيانات بتتكتب في أكتر من برنامج
- مش عارف رصيد صنف أو عميل غير لما حد يحسبه
إيه اللي بنأتمته
بنشيل الخطوة اليدوية، مش بنغيّر طريقة شغلك
بنبدأ باللي عندك: الواتساب والإكسل والسيستم. ولو الربط مش ممكن بنقولك بوضوح قبل ما تبدأ.
ربط الواتساب بالسيستم
الطلب أو الحجز اللي بيجي على الواتساب بيتسجل في السيستم من غير ما حد ينقله.
تنبيهات وتذكيرات
تنبيه للفريق بطلب جديد، وتذكير للعميل بقسط أو ميعاد، من غير ما حد يفتكر.
تقارير بتتجمع لوحدها
المبيعات والتحصيل والمخزن في تقرير أو داشبورد قدامك من الموبايل.
ربط الأنظمة ببعض
إكسل وجوجل شيتس والـCRM والمخزن بيكلّموا بعض بدل ما البيانات تتكتب مرتين.
متابعة العملاء
رسايل المتابعة بعد البيع أو العرض بتتبعت في وقتها.
مخزن وتحصيل بيتحدّثوا
رصيد كل صنف وكل عميل بيتحدّث مع كل حركة.
نتيجة حقيقية
بركة للأعلاف: الأتمتة شالت 8 ساعات شغل يدوي في اليوم
المخزن والفواتير وحسابات عملاء المصنع في مكان واحد، والخطوات اللي كانت بتتعمل بالإيد كل يوم بقت بتتعمل من غير ما حد يلمسها.
إزاي بنشتغل
من أول رسالة لحد ما الشغل يمشي من غير متابعة
جلسة تشخيص (Discovery)
بنمشي على دورة شغلك ونحدد الخطوة اللي بتاكل الوقت، وبنطلع بالحل وتكلفته مكتوبين.
ديمو، وبعدين بناء
تشوف ديمو لنشاطك الأول، وبعدين نبني على شغلك وإنت متابع أول بأول.
تسليم ودعم شهري
نشغّل الحل مع فريقك، ومعاك دعم شهري نطاقه وسعره مكتوبين في العرض قبل ما تبدأ.
السعر
السعر بعد جلسة التشخيص، ومكتوب قبل ما تبدأ
أسئلة بتتكرر
أسئلة عن أتمتة الشركات
يعني إيه أتمتة الشركات؟
إن الخطوات اللي بتتكرر كل يوم في شغلك، زي تسجيل الطلبات ونقل البيانات والتقارير ورسايل المتابعة، تتعمل لوحدها بدل ما موظف يعملها بإيده. النتيجة وقت أقل وأخطاء أقل.
محتاج أغيّر البرنامج اللي شغال عليه؟
مش شرط. بنبدأ باللي عندك ونحاول نربطه ببعض. ولو الربط مش ممكن أو مش مجدي، بنقولك بوضوح في جلسة التشخيص قبل ما تدفع.
بتخدموا مين؟
بنخدم المحلات والمصانع والصيدليات والمزارع وشركات الشحن والسناتر التعليمية في مصر.
بكام الأتمتة؟
السعر النهائي بيتحدد بعد جلسة التشخيص على حسب الخطوات والأنظمة، وبيبقى مكتوب في العرض قبل ما تبدأ.
حلول تانية من آتون
قولّنا الخطوة اللي بتاكل يومك.
احجز جلسة تشخيص ونطلع سوا بالحل وتكلفته مكتوبين، أو جرّب البوت التجريبي دلوقتي.
المبيعات والتعاقد: 0122 220 3810 · البوت التجريبي: 0111 666 2347